A frauta de Fía Na Roca é o acougo, o entretemento dunha cabeza cansa de ver números e letras sobre unha pantalla con fondo gris. Precisamente a cor deste fondo é a que obriga a un achique de ollos, a un esforzo de visión que te deixa medio abouxado. E se hai un cachiño era Fía Na Roca quen alixeiraba a miña cabeza, agora é Milladoiro con “O noso tempo” quen alegra o espírito, e xa non penso tanto nas áreas e hectáreas duns listados de parcelas que non acaban nunca. Aínda así, a semana empeza a pesar de tal maneira que lle agradeces a Deus estes festivos de Semana Santa. O peor é que me cómpre o tempo e precisaba deses días, pero… Pero é obrigatorio o descanso e xa sacaremos logo tempo de onde sexa. O traballo hai que rematalo antes de que acabe o mes. Rematarémolo. Que remedio.
Maceda. Mércores, 4 de abril de 2012
No hay comentarios:
Publicar un comentario