Nos
últimos anos buscar novas semanais que destaquen abondo, empezo a recoñecer que
é bastante complicado, porque todo se volve a un tema que sempre recoñecín que
non domino ben: a economía. E xa teño contado aquí que me cansa, que incluso no
coche adoito poñer as casetes antes de seguir escoitando toda a trapallada da
crise. E seguimos nesas. Por exemplo, nesta semana que nos acaba de deixar non
se falou doutra cousa que non fose a subida do IVE. Menos mal que apareceu por
aí o señor Feijóo comunicando que se adiantaban as eleccións. Pero resulta que
como é un señor que non me cae nada ben, que pertence a un partido que non
soporto, pois sigo sen poder “saborear” unha nova que me encha. Entón, fóra
desas dúas noticias que “paso” un chisco delas, só me quedan as deportivas: a
Volta Ciclista a España, por aquilo de que pasou pola nosa terra; a contundente
vitoria do Atlético Madrid sobre o Chelsea, cun Falcao que rebenta as porterías
e, a que máis me alegrou de todas, a designación de mellor xogador de Europa ao
meu admirado Andresiño Iniesta. Díxeno sempre; nin Messi, nin Cristiano
Ronaldo, nin gaitas… Iniesta é o mellorciño do mundo mundial.
Finca
Fierro. Sábado, 1 de setembro de 2012
No hay comentarios:
Publicar un comentario