O son dunha harmónica rompe o
silencio do amencer e a folla dun calendario bambea ante o aire que penetra ao
abrir unha porta. Ao lonxe vese un ronsel de avión de cor alaranxada porque, o
sol, pouco a pouco empeza a asomar o seu sorriso nesta mañá de feira e de
xeada. Segue a harmónica soando sobre un tema da película “A lista de
Schindler” e o canastro de Lira móstrase maxestoso e enorme nunha foto pegada
sobre un cristal, á mesma beira da porta que se abriu hai un cacho. Agora
mesmo, o ronsel do avión vese acompañado por tres máis, facendo que o ceo colla
unha tonalidade realmente espectacular. Entre os catro ronseis e unha pequena
nube que flota sobre o Medo, a mañá e o día promete. Un quinto ronsel asoma
aínda máis alá! Marabillosa panorámica!
Maceda. Venres, 4 de xaneiro de
2013
No hay comentarios:
Publicar un comentario