Uf,
como están os de Ferrol! Están en plan guerreiro, aínda que sexa de forma
simpática ou estrafalaria ou estrambótica ou esperpéntica ou ridícula; pero a
verdade é que chamaron a atención. Hai personaxes que cando se ven nun apuro
moi grande, deféndense como poden. Foi o que lle aconteceu a un discapacitado,
que non procedeu de mellor maneira que tirándolle a súa perna ortopédica a uns
policías que o foron deter por un roubo. A noticia en si, hai que recoñecer, é
simpática. Despois, claro, se un seguía lendo descubrías que o tal
discapacitado era de armas tomar. A proba é que, detido e todo, seica lle
deixou feito un asco o coche dos policías. E sobre as súas costas xa tiña
bastantes detencións. Como se adoita dicir, un bo paxaro… con perna ortopédica
e sen ela.
E tamén outro
ferrolán, un funcionario (para que logo digan que non facemos nada), ameazou ao
xuíz decano da cidade con facer voar o edificio xudicial. Este debía ser peor co
outro; noto a ameaza moito máis seria, en plan terrorista, en plan besta. Polo
menos a nova do discapacitado líase con graza.
Finca Fierro. Venres,
11 de maio de 2012
No hay comentarios:
Publicar un comentario