Tensión
nos chanzos. O silencio roto tan só polo bote duns balóns e polos berros dun
adestrador. Xa non é silencio. Un refacho, unha lufada de sol penetra por unha
fiestra e chega incluso a molestar. Silencio na parella que está sentada no
chanzo. Silencio por unha foto invisible. Ruído por un partido que está a
piques de iniciarse. Chanzos anchos de cemento. Parqué multicolor a causa das
raias que o atravesan, que o circundan, que o arrodean, que o marcan. Típicos
exercicios de adestramento. Tensión nos chanzos, na parella. E o sol que vai
baixando, polo que cada vez é máis molesto. Tensión na parella, nos chanzos. O
tempo borrará a foto invisible.
Pavillón
do IES Blanco Amor de Ourense.
Domingo, 4 de novembro
de 2012
No hay comentarios:
Publicar un comentario