Eu son do parecer do alcalde de
Pontevedra, o nacionalista Miguel Anxo Fernández Lores, que defende que o BNG
vaia só ás eleccións autonómicas. Andando faise camiño. Os de fóra sempre poñen
atrancos. Por iso “paso” moitas veces de chamarlle ou escribir PPdeG ou
PSOEdeG, xa que, nestes, quen realmente manda son os de Madrid. E ante os de
fóra non fai falta ser moi listos para saber que Galicia non conta para nada.
Non contou para os propios galegos (Franco, Fraga, Rajoy, Feijóo), imaxinade para
os foráneos. Ademais, sóubose sempre: a convivencia entre moitos é moi
complicada. Caro custa entenderse entre dous...
O BNG, aínda que lle custe,
debería camiñar só. Nas autonómicas e en todas as demais. Non creo que caia xa
máis abaixo. Se se fan ben as cousas tan só queda empezar a subir. Estou seguro
que, aínda que sexa lentamente, subirá. Porque ten que subir. Porque andando
faise o camiño. Porque creo que é o único que representa mellor ós galegos.
Polo menos vexo que son os que máis traballan; tanto na Xunta como na capital
do Imperio. E, faltaría máis, sempre defenderei ós máis perseguidos, ós máis
atacados, ós máis pequenos.
Café Oren Express da Valenzá.
Luns, 1 de febreiro de 2016
No hay comentarios:
Publicar un comentario