Un xornal deu a noticia desta maneira: que dous gatos
salvaron a unha veciña de Laracha que se perdera (tiña 95 anos), grazas ó
reflexo das luces dun tractor nos ollos dos micos. E digo eu agora: e por que foi grazas ós gatos? Por que non foi
grazas ó tractor que pasaba por alí? Se non pasase por alí, non habería
reflexo. Tamén puido ser grazas á noite. Se non fose noite, o tractor máis
seguro que non levase os faros acendidos, e aínda que os levase a luz non se
reflectiría nos ollos dos gatos. Deixemos de divagar e demos grazas (sen nomear
a ninguén) por atopala, e punto.
Os ex parlamentarios cobras das Cortes (ou sexa, de todos
nós) uns 3.000 euros ó mes por estar no paro. Manda truco! A miña muller leva
anos no paro e, nin a chaman nin cobra un carallo! Vedes, ata rima. O paro e o
carallo. Malo! E non sigo porque se me altera o sangue. E podo barrenar.
A Xustiza investigará a filtración das mensaxes dos reis ó
empresario López Madrid. Aí está!; investiga a filtración, pero non investiga
as mensaxes, é dicir, non actúa contra as mensaxes. Porque estas si están aí.
Ninguén as inventou. Son deles. E din o que din. E tampouco sigo, por se acaso.
O portavoz do PSOE no Congreso di que a alcaldesa de Bacelona,
Ada Colau, é antimilitarista. Anda!; eu tamén son antimilitarista. Se todos
foramos como tiñamos que ser, non tiña porque haber exércitos en ningún lugar
do mundo e moito menos tiña que haber armas nun recinto pechado. Ou é que hai
certos sectores que son intocables?, chámanse militar ou clero. Por poñer só
dous exemplos. E poño punto final para non seguir, por se…
Café Perla 6 do Campus Universitario de Ourense.
Venres, 11 de marzo de 2016
No hay comentarios:
Publicar un comentario