Politiqueo nas conversas de quen
non entendemos nada. Mentres a crise se pega a esas carteiras baleiras ou a
eses petos que tan só gardan un pano das mans. Queremos mandalos a todos ao
cárcere, mentres nós metemos as cabezas nos contedores de lixo buscando o que
nin aí hai xa. Defendemos leis que están mal feitas porque imaxinamos que
outros as fan peores. Nin lle damos opción a ninguén máis que probe as súas
forzas. Despois dun tempo vemos que a política barata é a que realmente nos
goberna. E nós mesmo somos os que aniñamos esa política non parándolle os pés a
eses politiquiños de guante branco. Se optamos por pegar uns berros, axiña
insonorizan o espazo que ocupa a sociedade crítica, a sociedade con desexos de
cambiar algo. Pero nada cambia. A política barata gangrénase de tal maneira que
o cheiro a podre expándese polos poucos recantos limpos que nos quedan na
memoria. Nós, covardes coma sempre, tapamos o nariz e tiramos para adiante.
Biblioteca da Valenzá. Luns, 17 de
xuño de 2013
No hay comentarios:
Publicar un comentario