A
nostalxia é quizais o mellor título que se lle pode poñer á novela da miña
infancia. Non sei se é porque un vai para vello, pero o caso é que cada vez
máis a miúdo busco aqueles recunchos nos que está durmida a memoria dos anos
sesenta e setenta. E aproveitando que subiu o Elxe á primeira división, aquela,
a memoria, espertou nun deses recunchos e confeso que sinto cariño por este
equipo de fútbol, por acordalo en primeira e pola súa camiseta. Había tres
camisetas que me fascinaban naqueles anos; a do Elxe, a das Palmas e a do
Córdoba. Pero a que máis, a que máis era a do Elxe… aquela raia verde
horizontal, ancha, cruzada sobre o peito. Todos os demais equipos vestían coas
típicas, ou sexa, tan só unha cor e as
de raias verticais. Pero a do Elxe era orixinal e bonita de verdade. A das
Palmas destacaba pola brillantez da súa cor; toda amarela. E a do Córdoba,
aínda que era tamén de raias verticais, eran doutra cor que non se daba nos outros
equipos que levaban así; eran de cor verde. Ás veces por simples detalles
sentimos cariño por tal ou cal equipo; eu confeso que sempre me gustou o Elxe
polas camisetas. E estaba toliño para que subira de novo á primeira división e
así ver de cando en vez esa camiseta que sempre me pareceu moi orixinal. Este
ano conseguírono. Estou contento.
Finca
Fierro. Sábado, 15 de xuño de 2013
No hay comentarios:
Publicar un comentario