Zaíra
Castañuelas Contreras colle a cesta da compra e disponse a percorrer a
supermercado. Con parsimonia. Con calma. Con parola. Como adoitan facer moitas.
Mete garavanzos. Colle unha leituga, Analiza, estuda, repasa, palpa, sopesa un
repolo. Toca parola. Cunha veciña. Ou cunha persoa calquera. A Zaíra
Castañuelas Contreras dálle igual. O caso é latricar un chisco. Cando a veciña
ou a interlocutora marcha, ela segue buscando produtos. O aceite de oliva. As patacas
xa fritidas. Os xeados para as nenas. Cando chega á peixería, alí eternízase;
mira, busca, pregunta, fai xestos ostentosos ante os prezos. Outra leria máis
cun antigo mozo. Sorriso aberto. Pequenas cores nas meixelas. Pouco tempo. Porque
axiña asomou a muller do antigo mozo e remataron as bromas. Zaíra Castañuelas
Contreras despídese e acomoda os pensamentos naquel recanto no que estaban
durmidos. Segue coa compra.
Biblioteca
da Valenzá. Venres, 14 de xuño de 2013
No hay comentarios:
Publicar un comentario