As
tardes de verán adoitan ser malas para calquera que traballe ó aire libre. Para
Damián Reloxo Horemus son peores. Porque Damián é un lacazán; cando hai que
traballar foxe coma do lume. Damián, O Lóstrego, é fillo de Efrén Reloxo
Malote, O Nugallán, e de Sabina Horemus Relativa, A Desganada. Polos alcumes
ten a quen saír. Fillo de porco, marrán seguro. Porque o de Lóstrego venlle de
que tan axiña como oía algo dunha aixada ou dun sacho, zas, dáballe sebo ós pés
ou marchaba coma o peido do cu. O alcume do pai non hai que explicalo. Todos
sabemos o que é a nugalla. E o alcume da nai máis do mesmo. Quen traballa
entón? Imaxino que o pombo. En todas as familias hai un pombo. Como en todos os
países hai pombos que traballan para os “listos”. Damián Reloxo, O Lóstrego,
fuxe coma do lume. Ás veces penso se non será el o listo. El senta no mazadoiro
e bérralle á nai de que vai unha calor de inferno, que xa irá mañá cedo cavar.
Pero a Damián gústalle máis a cama que lle desgusta o traballo. Chámalle parvo
ó homiño.
No hay comentarios:
Publicar un comentario