Dime
quen xeme no bulebule dun soño. Dime quen escapa da ollada perdida duns ollos claros.
Funga o vento e os versos dun soneto esmáganse contra o musgo dun penedo. Quere
o teléfono móbil vibrar ante unha canción estranxeira, pero a batería di
basta!, e apágase. Dous corpos que se encollen e unha néboa espesa que os
abriga. Vai ti saber onde está a éxtase do poema! O vídeo musical amosa á
parella nun forte abrazo. Os ollos claros dela bailan ó compás dun pensamento.
As mans morenas del buscan a fermosura nun corpo nu, pillado por detrás, e con
versos de amor escritos sobre a súa pel. Quen non se sente atraído por eses
ollos! Quere unha nube gris ser colcha de flanela sobre a conciencia dun amante
perdido. Pero a lúa vella interponse no camiño. Quen grava o vídeo musical da
muller dos ollos claros? Tan só o poeta os sabe debuxar con catorce versos que
riman ó compás dos latexos dun sentimento. Remata o vídeo musical e remata o
soneto, a inspiración do poeta.
No hay comentarios:
Publicar un comentario