Hoxe si fai máis ca pingar. Hoxe
chove. Chove sobre un tema musical de Milladoiro e sobre unha estrofa de
Sabina. Cómpre que chova. Pero con moderación, con sentidiño. Non quero que me
esnafre as uvas nin que un lóstrego me abra as entrañas. A pedra, o pedrazo,
por onde pasa, arrasa. Chove sobre a chulería dalgúns políticos, sobre a cabeza
duns cantos ignorantes e sobre as ideas de heroes de pacotilla. Gústame a
palabra heroe, máis incluso que o seu significado. Gústanme os cornos en punta
da lúa en cuarto minguante (ou crecente, é igual). Chove sobre os ollos claros
de Adelaida, a muller que está soa xunto ó faro, e sobre o pelo cano de
Eustaquio, o home que berra desde o alto do campanario. Chove máis que pinga.
Hai uns días pingaba pero non chovía. Os anteollos están cerrados sobre a barra
do bar e un chisco máis alá, ou sexa, fóra o sol xa quere asomar. Pois si,
pouco a pouco deixa de chover. Tamén pouco a pouco algúns caen na conta da súa
ignorancia e os menos seguen soñando con ser heroes de novela rosa. Pero
sáelles negra. Unha pena.
No hay comentarios:
Publicar un comentario