Sempre
quero levar a razón. E discuto por elo. A ver, xa está ben de que
outros queiran subir enriba de min. Son un egoísta, e que?
Se
digo que cruzo o río Arnoia montado nunha vaca, tedes que crerme
aínda que non sexa verdade. O caso é que foi verdade. Había chea
para cruzar cara Pinouzos, pero había que facelo para ir polos toxos
que o pai rozara na Lagoa de Almoite. A auga ben se vía que cubriría
o carro, así é que non quedou outra que subirme á Rubia
(era a máis mansa, por ser a máis vella) para
cruzar o río. É certo que para outras cousas intento esaxerar para
poder levar sempre a razón. Fago que entendo de fútbol esaxerando
noticias ou comentarios para que ninguén me poida rebater as miñas
opinións.
Teño dereito a opinar o que me dea a gana! Con razón ou sen razón. Para iso boto sempre a lingua a pacer. A ver, xa estou farto de que opine todo o mundo do que lle dea a gana. Eu quero opinar dos nacionalismos e, maldita sexa!, non me deixan. Así é que esbardallo coma quen baila sen son con tal de poder levar a razón, con tal de que o egoísmo me suba polas entrañas arriba e me deixe máis orgulloso que a un campión de a tres nun zoco. Son egoísta ata comendo feixóns; primeiro como as patacas para, despois, picar co garfo a pracer e mirando de esguello para quen estea á miña beira... por se mos rouban. Os meus irmáns, de pequeno, dicíanme que mirase para arriba e eu, de pasmón, miraba e roubábanme os feixóns. Coa carraxe quería espetarlles o garfo no corazón.
Teño dereito a opinar o que me dea a gana! Con razón ou sen razón. Para iso boto sempre a lingua a pacer. A ver, xa estou farto de que opine todo o mundo do que lle dea a gana. Eu quero opinar dos nacionalismos e, maldita sexa!, non me deixan. Así é que esbardallo coma quen baila sen son con tal de poder levar a razón, con tal de que o egoísmo me suba polas entrañas arriba e me deixe máis orgulloso que a un campión de a tres nun zoco. Son egoísta ata comendo feixóns; primeiro como as patacas para, despois, picar co garfo a pracer e mirando de esguello para quen estea á miña beira... por se mos rouban. Os meus irmáns, de pequeno, dicíanme que mirase para arriba e eu, de pasmón, miraba e roubábanme os feixóns. Coa carraxe quería espetarlles o garfo no corazón.
Finca
Fierro. Sábado, 7 de decembro de 2019
No hay comentarios:
Publicar un comentario