Cada
vez que Leoncio Flores Seoane tamborilea cos dedos da man esquerda sobre a
mesa, o silencio deixa de ser silencio e convértese en ruído. Usa eses
movementos porque empeza a aburrirse. Está á espera de que os seus rapaces
saian xa da discoteca na que entraron hai máis de dúas horas. Primeiro estivo
no coche onde escoitou música e ata deu unha cabezada. Logo sentou nunha
terraza para tomar un café. O tempo nin pasaba nin voaba. Era o único cliente.
A televisión estaba apagada. O silencio era total. Rompeuse co tambolireo dos
dedos da man esquerda sobre a mesa. Ao pouco saíron os rapaces. Estes optaron
por marchar andando. Leoncio Flores Seoane bufou.
Cafetaría
Os Carrís da Valenzá. Domingo, 29 de xullo de 2012
No hay comentarios:
Publicar un comentario