A ALEGRÍA DA PANTOMIMA

              Ás veces escribo tan á lixeira que, claro, teño que tamén criticarme a min mesmo. E non se me caen os aneis por iso. Dicía días atrás que a liga da pantomima só tiña o aliciente dos dous clubs grandes (sigo erre que erre niso, e xa se verá ao final), pero resulta que levo dúas semanas que a tal pantomima dáme alegrías a esgalla. Ben certo é que o Celtiña anda a velas vir. Pero o Dépor, ai o Dépor!... leva dúas semanas por enriba do máis poderoso de todos. Aí é nada! A pantomima dáme unha alegría. Perdón, dúas; unha por estar por enriba do todopoderoso e a outra porque este poderoso tamén anda case coma o Celta… a velas vir. Cando remate a liga, o Madrid estará moi por enriba dos galegos, pero mentres non suceda… rir a cachón! E soñar é bonito.

              Cafetaría Os Carrís da Valenzá. Luns, 27 de agosto de 2012