Rima o verso. Chouta o saltón.
Corre o tempo. A folla baila ao ritmo do vento. Unha muller canta en inglés. Un
asubío asoma polos beizos dun gandeiro. Quen acosa ao lobo no monte Medo? Parasol
aberto. Un mosquito sobre o parabrisas dun coche. Un home que morde nas uñas.
Canción de berce para os que nunca cantan unha cantiga: tristura na estrofa
dunha balada. Quen pesca no couto do río Arnoia? Disco raiado. Voo de
lavandeira. Reloxo parado. Hai que ter ganas de escribir parvadas! Un gabián
plana a moitos metros de altura. Unha nube branca cobre o seu espazo. Un botón
que penetra polo ollal. Unha bágoa en caída libre e un sorriso colgado no aire.
Hai que darlle voltas aos miolos para plasmar as parvadas. É o que hai!
Cafetaría Os Carrís da Valenzá.
Xoves, 16 de agosto de 2012
No hay comentarios:
Publicar un comentario