Aquel que tira a primeira pedra é
que ten máis valor cos outros. Ou ao mellor porque é máis covarde. Vai ti
saber! Despois tamén se pode analizar cómo é a pedra. E refírome ao peso. Se é
grande, non a pode tirar calquera neno. Se é pequena, pode ir máis alá de onde
se puxo o ollo. Non é fácil tirar unha pedra. Tampouco é o mesmo darlle no
cernizo a alguén cunha pedra de granito ca cun coio dese redondiños do río.
Dise que a pedra, ao saír da man, non se sabe onde vai caer. Ou a quen lle vai
dar. Non é o mesmo darlle cun cantazo
a un político (Deus me libre de facer tal cousa!) que a un pobre desgraciado.
Vaiche boa! E se fas a proba, xa os xuíces se encargarán de explicarche a
diferenza. Si, realmente é complicado tirar a primeira pedra.
Cafetaría Os Carrís da Valenzá.
Xoves, 16 de agosto de 2012
No hay comentarios:
Publicar un comentario