Corre o aire. Soa a música.
Bambéanse as toallas. E as nubes que pasan. Bailan as follas. Pedalea o neno. A
agulla do reloxo chouta de segundo en segundo. E a auga do río que corre. A
moto está aparcada. O cinseiro está baleiro. O xornal sobre unha mesa calquera.
E un cantante de fala inglesa cantando. Bañistas que se contan cos dedos das
mans. Mala tarde para bañarse. O neno da bicicleta que chama pola súa irmá. E
os dedos da man esquerda que rañan no pescozo do que subscribe. Corre o aire.
Queren chorar as nubes. Asubía o xílgaro. E o silencio que se deita na cama do
ruído. Canto ruído no descanso do silencio! Gravo na memoria o carballo da
Portela que ten a folla revirada. Deixo que pase o estorniño. E o punto final
detén o bolígrafo.
Cafetaría Os Carrís da Valenzá.
Luns, 27 de agosto de 2012
No hay comentarios:
Publicar un comentario