Se
non erro, creo que tan só asistira un par de veces á Festa da Istoria de
Ribadavia, en plan de tomar un café e ver o ambiente. Pero este venres fun coa
intención de botar máis tempo e de ver algo máis. Logo de dar unhas voltas pola
fermosura do seu casco xudeu, asistín a procesión da Cruz Verde, o símbolo da
Inquisición. Este cortexo percorreu as rúas do casco histórico, ou sexa, desde
a prisión da Inquisición ata o auditorio do castelo. Cada pouco, o cortexo
detíñase para “asaltar” as casas nas que convivían os herexes. Estes eran
conducidos ao desfile para xuntalos cos outros reos que levaban xa uns cirios
acendidos en sinal de penitencia. Entre os tambores que marcaban o ritmo e as
queixas e berros dos reos, o drama apropiábase das rúas da capital do Ribeiro.
Xa no auditorio representouse a obra “O Malsín”, na que se escenefican os
feitos acaecidos na vila, cando este veciño, O Malsín, denuncia ante o Santo
Oficio aos seus familiares e veciños por practicar ritos e cerimonias de
xudaísmo. A noite rematou cun auténtico espectáculo de música e fogos no propio
castelo.
Finca
Fierro. Sábado, 25 de agosto de 2012
No hay comentarios:
Publicar un comentario