Quen soubera cantarlle ao vento
tras os cristais dun rañaceos. Non son Sabina e debuxo carantoñas sobre o bafo
do cristal. Un fusil sen balas e unha guerra sen armamento. Quen soubera correr
sobre as augas da Tapada Nova. Non son Usaín Bolt e colgo das gallas dos
amieiros para trasladarme ata Portugalego. Un pleno sen Parlamento e unha loita
sen inimigos. Quen soubera repicar as campás da igrexa de Baños de Molgas. Non
son o sancristán e asubío un réquiem de Mozart para anunciar as nove da noite.
Boa hora para cear peixes do río Arnoia e ler unha novela sobre o significado
da circunvalación que transcorre polos Currás. Quen soubera escribir sobre o
monte Medo. Non son Alfredo Conde e esborrancho un título calquera.
Cafetaría Os Carrís da Valenzá.
Venres, 17 de agosto de 2012
No hay comentarios:
Publicar un comentario