Trinta
pelos sobre a cabeza e catro unllas na punta da lingua. Así se presentou
Jacinto Corbacho Cubelo no bar da aldea, e logo de facer a viaxe por vacacións
ao planeta Suspiros de España. Os paisanos que o viron entrar puxeron ollos de
prato e bocas de peixe boqueando. O asombro era maiúsculo. Jacinto Corbacho
tusiu a causa da apurada e da súa boca saíron catro paxariños brancos que
buscaron a liberdade por unha das fiestras do bar. Ninguén se atreveu a
preguntarlle polas características do planeta Suspiros de España. Porque
ninguén tiña intención de pasar alá as súas vacacións. Tampouco Jacinto
Corbacho Cubelo nada explicou. Tomou o café, que lle saíu polas orellas, e
marchou.
Cafetaría
Os Carrís da Valenzá. Xoves, 9 de agosto de 2012
No hay comentarios:
Publicar un comentario