Ás
veces hai detalles e xestos que amosan a personalidade dun individuo e, abofé,
que emocionan. O sevillano Gallardo que xoga nun equipo húngaro completamente
descoñecido, e que estivo no Dépor, botou man dalgúns xogadores famosos do nos
país para axudar ao seu porteiro e compañeiro Rakaczki, ao que lle
diagnosticaron leucemia. En Hungría, se tes cartos, tes algunha opción de
curar, pero alí non ganan nin o que alcanza o menos pagado da nosa primeira
división. O español mandoulle camisetas a xogadores do Madrid e o Barça (a
Alves por xogar con el no Sevilla e a Casillas por coincidir con el nas
categorías inferiores da selección) e non só eses dous regalaron as camisetas,
senón que as dúas entidades e a do Dépor, onde coñece a Marchena, asinaron as
mesmas. As camisetas amosáronse nas televisións e Gallardo acadou 33.500 euros.
Ao húngaro operárono e hoxe loita pola súa vida. Ás veces, os deuses de fútbol
baixan á terra e cumpren co seu deber.
Cafetaría
do pavillón dos Remedios de Ourense.
Martes,
7 de maio de 2013
No hay comentarios:
Publicar un comentario