O deputado ourensán Celso Delgado
di que as viaxes pagadas en avión ou o iPad que lles facilita o Congreso son
necesarios para o seu traballo. Señor deputado do PP, eu tamén traballo e, para
máis aquel, teño que usar un coche (que a Xunta non me facilita) que está nas
últimas, polo que chupa gasolina coma unha auténtica laga. Si, xa sei que se
escudará coas responsabilidades que ten a súa categoría (que habería que
analizar ben a fondo, pero é igual, que quede así a cousa), pero dígame vostede
se lle dar de comer a unha familia de catro, hoxe en día, non é tamén unha
responsabilidade de carallo? Non si? Pois xa digo, nin practicamente coche, nin
taxi nin autobús á miña disposición, nin axudas de custo, nin móbiles e, por
suposto, moito menos iPads. Así é que, por favor, que non lles pareza mal que
os miremos de esguello. Recoñezan dunha vez que son uns privilexiados e que o
90% dos políticos non merecen tal privilexio.
Cafetaría do pavillón dos Remedios
de Ourense.
Martes, 21 de maio de 2013
No hay comentarios:
Publicar un comentario