De
que vale que todos os xornais galegos publiquen o día 17 de maio, Día das
Letras Galegas, as súas portadas na nosa lingua? Cando o sorriso se che ilumina
ante esta situación, axiña se esfuma, no tempo que tardas en virar a folla do
diario; na seguinte páxina xa volve o castelán a ser dono e señor dos
rotativos. De que vale que se tiren o que vai de ano, ou polo menos uns meses,
falando deste evento tan importante para Galicia, se despois, e practicamente o
95% ou máis, se segue usando o castelán? A que vén entón tanta defensa da
lingua, se ata na propia sección de Galicia ou nas seccións locais usan o
castelán a torto e a dereito? Que envexa teño dos cataláns. Estes si semella
que defenden realmente todo o que é seu. Nós dedicámonos a adorar ao becerro de
ouro representado polo día 17 de maio. Aí, un simple número vermello pintado en
algúns calendarios para que os políticos presuman do que non usan ( xa teño
dito que, escoitándoos pola radio, case sempre falan en castelán) e para que a
inmensa maioría dos cidadáns se freten as mans ante unha xornada laboral menos,
ante un festivo no que se dedican a ler en castelán e a ver películas dobradas
ao castelán. Antes usamos os anglicismos cá nosa propia lingua. Pobres letras
galegas!
Finca
Fierro. Domingo, 19 de maio de 2013
No hay comentarios:
Publicar un comentario