Por
primeira vez na nosa terra, un xulgado de Pontevedra impón penas de prisión por
usar cepos e trancas nos cabalos. O asunto ten o seu aquel. Nunca fun
partidario de maltratar a un animal (cando araba co burro, empurraba eu máis no
arado para que non sufrise o animal ca tiraba o propio asno), pero tamén
entendo que os teñen que controlar dalgunha maneira. Certo que os cepos e
trancas, ao ser de madeira, ou sexa, consistentes fan dano. Mais, antigamente,
nós usabamos as pexas, tiras de coiro que se lles ataban ás patas dos animais,
a unha de adiante e á outra de atrás, e sempre do mesmo lado. Algúns tamén lle
ataban tal aparello ás dúas patas de adiante. Estes aparellos non adoitaban facer
dano, pero se por un casual asomaba algunha ferida na pata da cabalaría, axiña
lla envolviamos cun trapo calquera, máis ou menos o que facemos nós cando nos
manca un zapato… que lle poñemos un apósito á ferida. As pexas tamén as podías
alongar ou acurtar para deixarlle máis ou menos movemento ao animal. Vin a máis
dun burro correr pexado, pero a unha velocidade que o collías sen dificultade.
Penso que coa pexa non se maltrataba a ningún animal. Os que teñen cabalos nos
montes deberían optar por este simple aparello, cómodo e inofensivo.
Cafetaría
do pavillón dos Remedios de Ourense.
Xoves,
23 de maio de 2013
No hay comentarios:
Publicar un comentario