Quedei
canso de rachar na pedra dura do tempo cando as mañás de treboada pasaban
lentas. Tempo que fulmina o desexo de querer ser e non poder. De querer ser
escornabois e quedar en lerme que baballa palabras de auga. Pingas de auga que
caen, e golpean, e escarvan, e rachan. Como unha tortura. Tempo que acouga
sobre a almofada dun fento que vai e vén polas tardes de verán no Río Vello. De
cando unha vara descargaba golpes unha e outra vez sobre os toxos porque a vida
e obra de Goya non quedaba na memoria. Paseos para arriba, paseos para abaixo.
Vareazos a unha xesta, vareazos a unha mala herba e o cadro da Duquesa de Alba
e O Coloso quedaban por fin pegados para sempre nun recanto da mente. Tempo que
non volve pero que está aí, no recordo. Para a lembranza. Para a melancolía.
Pingas de auga no tempo que enchen un tanque, unha laga, unha canle que vai dar
ao mar, ao meu mar.
Biblioteca
da Valenzá. Xoves, 16 de maio de 2013
No hay comentarios:
Publicar un comentario