O
festival de cine de Cans quizais sexa o máis orixinal de toda a historia
cinematográfica. Pode que empezase como unha broma, pero hai que ter aquilo
para levantar un proxecto a base de chimpíns, palleiras, galiñeiros e moito
agroglamour. Todo empezou polo nome da aldea (Cans) e a súa semellanza na
pronuncia do mítico festival francés de Cannes. Iniciouse cuns 500 asistentes e
seica se espera pasar de 10.000 na edición que se desenvolverá do 22 ao 25
deste mes. Gustaríame asistir só que fose unha tarde para contemplar o alucine
de estreas viaxando en limusinas con
rodas dentadas e gordas, e as proxeccións nas bodegas e palleiras da aldea.
Emocionarme co traballo dos propios aldeáns ante tal acontecemento; sei que
todos poñen algo no evento. Coa orixinalidade alucinou xente como Emma Suárez,
Sacristán, León de Aranoa, Gran Wyoming e algúns máis. Dez anos xa de
agroglamour. Longa vida a Cans!
Cafetaría
do pavillón dos Remedios de Ourense.
Martes,
7 de maio de 2013
No hay comentarios:
Publicar un comentario