Un
deputado cobra ata 1.250 euros ó mes só en desprazamentos. É dicir, máis co
valor da miña nómina (sen desprazamentos, a pesar de que percorro 60
quilómetros diarios) Como poden cobrar tanto para o que fan? Centos de fotos e
imaxes pillados in fraganti nos seus
escanos. A algúns ata traspasan a foto cos seus ronquidos. E para máis aquel,
vai o señor Cristóbal Montoro e solta aquilo de que “os salarios non están baixando
en España”. Hai que ter cara de carallo! Por iso soben os sulfatos e baixan as
uvas de 0.60 a 0.20 céntimos. Por iso sobe a froita e conxelan os
salarios. O peor de todo é que lemos e
escoitamos todos os días noticias como estas e non facemos nada. Hai tempo que
dixen que nos acostumamos xa á corrupción, e agora xa nos acostumamos a todo… a
recortes nos soldos e a subidas nos impostos. Asumimos a situación de tal
maneira, que xa estamos preparados para outras medidas na nosa contra. E
apandaremos.
Café
Oren Express da Valenzá. Xoves, 10 de outubro de 2013
No hay comentarios:
Publicar un comentario