Boca
seca, pastosa. Angustia no peito. Bágoas nos ollos da muller. Ningunha bodega
quere as uvas. Falsas informacións. Falsas declaracións. “Ningunha uva do Ribeiro quedará colgada”. Mentira! Cheira a podre
no Consello Regulador do Ribeiro e na Xefatura Territorial do Medio Rural.
20.000 quilos de uvas perdidos. Máis de 5.000 euros de simples gastos. Máis de
500 cepas novas que empezan agora realmente a producir. Un ano de traballo, de
suor, de esforzo, de medo ás xeadas, á pedra e ás pestes. É igual. A verdade é
que puido escarallarse ó principio; polo menos non vivía agora esta angustia e
houbese aforrado cartos. Angustia de semanas; con reunións, manifestacións,
peches. Para nada. Ou si, para descubrir as falsidades da administración. “Ningún viticultor quedará sen vender as
uvas”. Mentira! Dan ganas de facer estourar bombas e de queimar adegas.
Aínda o sinto máis polo sogro, que é o que realmente mamou esa viña e o que,
hoxe, máis sofre. Requiescat in pace para unha boa viña. Aí se queda!.
Cafetaría
do pavillón dos Remedios de Ourense.
Mércores,
9 de outubro de 2013
No hay comentarios:
Publicar un comentario