Hai
expresións, hai caras que reflicten todo un sentimento. A de Agapito Agachado
Suárez é todo un poema de desconcerto e preocupación; ten unha leira enorme de
patacas na Lagoa de Baños de Molgas e
non ten a quen llas vender. Paseou todos os almacéns de Xinzo de Limia, comarca
por antonomasia do tubérculo, e non conseguiu chegar a acordos con ningún.
Todos lle ofrecían unha miseria e, para máis aquel, tiña que poñer el o porte;
o que significa a contratación dun camión que lle cobraría máis do que lle
ofrecen pola patacas. Agapito Agachado Suárez séntese fundido e coas mans
atadas; xa non sabe a quen máis ofrecerllas. Tampouco as quere regalar. Antes
as deixa podrecer baixo a terra. Do que si está seguro é de que, aínda que
consiga vendelas no último suspiro, abandona a agricultura e dedicarase a pedir
esmola na rúa do Paseo de Ourense. Polo menos alí non deixará os riles por
catro cadelas. Seguro que gana máis pedindo!
Café
O Morto de Ribadavia. Sábado, 5 de outubro de 2013
No hay comentarios:
Publicar un comentario