Hai
uns días lin unha noticia que penso que, antigamente, nin tan sequera sairía
polos medios, nin tan sequera sería noticia. O pai dun rapaz denunciou a un
docente porque este lle fochicara o alumno no móbil. A denuncia levouse a cabo
por culpa da intimidade ou da protección de datos. De acordo; pero o rapaz
seica amosaba vídeos sexuais que tiña acumulados ou gravados no seu móbil. Unha
alumna, cando lle ensinou un, acusouno. De aí partiu todo.
A
ver, nos meus tempos (e se houbese móbiles), a miña nai dábame unha hostia por
levar o móbil ó colexio, dúas por ter vídeos sexuais e tres por abrirme un
expediente de sanción, como o que lle abriron ó estudante. Menos mal que, ás
veces, a xustiza funciona e protexeu, apoiou ó docente coa alusión de que a
actividade educativa prevalece sobre a protección de datos.
Case
é normal que o rapaz teña vídeos sexuais (a esa idade!...), como é normal que o
colexio botase man das súas normas internas, mais a actitude do pai é a que se
sae de contexto… deixando que o seu fillo leve móbil ó colexio (onde se vai a
estudar) e entrando no xogo da disciplina de calquera colexio. Menos mal que a
min non me aconteceu iso; non quero imaxinar a cara da miña nai, nin as súas
mans sobre a miña cara.
Café
Oren Express da Valenzá. Mércores, 16 de outubro de 2013
No hay comentarios:
Publicar un comentario