O tempo pon a cada un no seu
lugar. E non é necesario que transcorra moito para decatarnos dos erros que
cometemos. Non hai moito que puñamos a parir ós moros, sudacas, rumanos e negros porque nos invadían e nos quitaban os traballos e demais
servizos. Agora, hoxe en día, dóenos que Bélxica expulse a 300 españois por ser
unha carga para o seu Estado. E, como non, criticamos tal decisión. Somos un
país de contradicións; criticando á xente que busca traballo sen pensar nos
nosos compatriotas que se largaron para, primeiro, as Américas e, logo, para
Suíza, Francia e Alemaña. Quixemos darlle a volta á tortilla, pero como toda
boa preparación da mesma, hai que seguir dándolle máis voltas. Mentres viviamos
na época das vacas gordas trepabamos, esmagabamos ós que arriscaban a vida nas
pateras. Agora que vivimos na época das vacas fracas, amólanos (falando claro,
fódenos) que nos denigren, que nos esmaguen coma vermes. A ver se entendemos
que non hai vermes europeos nin africanos; que os vermes son todos iguais.
Café Oren Express da Valenzá.
Luns, 3 de febreiro de 2014
No hay comentarios:
Publicar un comentario