Tanto ruído que nin tan sequera se
oe ben a música. Tanto ruído que un plástico que envolvía unha galleta foxe
incluso asustado. Nenos que berran. Mulleres que falan cun ton forte, case coma
os nenos. Baile de números nunha operación matemática que se desenvolve na
cabeza de Heleia Mitos, a muller que ten agachada a testa sobre un caderno de
follas brancas, sen raias, sen cuadrículas. Helia Mitos fai operacións de
sumas, restas, multiplicacións e divisións. Matemática pura. Logo de cada
operación queda pensativa. Nótase a leguas que lle bailan os números na cabeza.
Porque axiña tacha esa operación e volve, con parsimonia, a outra. Baile de
números. Despois de encher toda unha folla e de esborranchar todas,
absolutamente todas as operacións, segue na seguinte na seguinte folla branca e
de cando en vez bailan os números na súa mente para trasladalos logo ó papel.
Mais ante o intenso ruído dos nenos e das nais dos nenos, pecha o caderno e
larga sen rematar por completo o traballo.
Café Brétema da Valenzá. Martes,
11 de febreiro de 2014
No hay comentarios:
Publicar un comentario