Creo
que non hai moito tempo que escribín sobre os abusos sexuais entre familiares,
que penso que xa é a degradación da dexeneración mental de calquera persoa.
Pois ben, agora, a maiores das degradacións mentais asoman as novas das vergonzas
xudiciais e referidas ó mesmo tema dos abusos sexuais entre familiares. Resulta
que a xustiza tan só lle impón oito e dez anos de cárcere a dous cuñados por
abusar sexualmente cada un da filla do outro, alá polos anos 2007 e 2008. A
agresión sexual é en por si xa un acto deplorable e degradante que merece polo
menos media vida de cárcere para o agresor, pero que uns pais se aveñan a que
lles violen ás fillas de tan só seis e sete anos, é unha humillación, unha degradación
tan repugnante que, a un servidor, lle produce risa os poucos anos ós que foron
condenados. E a nova xornalística, segundo o meu punto de vista, dá a entender
que as nais das cativas sabían ou polo menos intuían o que acontecía e, non
obstante, foron absoltas. Non me estraña que ás veces pensemos que a xustiza usa
distintas varas de medir para implantar condenas que claman ó ceo. Os abusos
sexuais a menores e dentro da mesma familia case ou sen case merecen a mesma
condena cás de calquera asasinato.
Café
Paco Paz de Ourense. Venres, 21 de febreiro de 2014
Finca
Fierro. Sábado, 22 de febreiro de 2014
No hay comentarios:
Publicar un comentario