Teñen tan asumido o seu poder e un
traxe sen vergonza polo que lle esvaran as críticas, que non lles importa
ostentar esa autoridade e chegan a facelo incluso con sorrisos de Profiden. E
nos tempos nos que estamos deberían disimular un chisco. Pero nin iso. As
diversas fotos de tantas e tantas autoridades que asistiron á gran festa de
Xantar na cidade de Ourense, doen abondo. Teñen dereito a comer ben e incluso a
gozar da comida e da xuntanza, pero se disimularan un chisquiño, sen tanta foto
nin tanta ostentación, seguro que ninguén se metía con eles. Pero a súa
vergonza brilla pola súa ausencia e nesta crise que nos está afogando e da que
non nos saben sacar, van de chulos e saborean e brindan e sorrín diante dunhas
cámaras para reflectir un “aquí estamos nós”, “coa nosa presenza, estes
acontecementos publicitan a nosa
terra polo mundo adiante”. E unhas cantas familias, nestes momentos, deixan as
súas casa por falta de pagamento. O xantar deles pagámolo nós. Ó mellor ata
pensan que nos pensamos que o pagan das súas carteiras. Inocentes, eles.
Parviños, nós.
Café Oren Express da Valenzá.
Luns, 10 de febreiro de 2014
No hay comentarios:
Publicar un comentario