Un lector de xornais de Castro
Caldelas queixouse na sección de Cartas ó Director de que agora os funcionarios
ganan o soldo sen saír da casa, coa bata posta e en zapatillas. E ten toda a razón
do mundo, pero escribe ou fala tan á lixeira que mesmo semella que somos todos
os funcionarios os que nos quedamos na casa. Non pensou para nada neses
traballos que si se poden realizar desde un ordenador caseiro, nin moito menos
neses funcionarios que o axudaron a vir a este mundo ou que axudarán ós seus
fillos ou netos, nin neses funcionarios que, oficialmente, lle deron un nome.
Non todos os funcionarios traballamos na casa. E se non que se achegue ó seu
concello ou á súa Oficina Agraria Comarcal, por exemplo, e aí verá se o
atendemos ou non. Tamén critica a música ambiental. Imaxino que se referirá á
das oficinas. E digo eu, que terá que ver a música co traballo ou coa atención
ó público? Eu precisamente traballo moi a gusto coa música e atendo os paisanos
con bailes nos meus ollos, porque me gusta atendelos.
Café Paco Paz de Ourense.
Mércores, 12 de febreiro de 2014
No hay comentarios:
Publicar un comentario