O luns, 17-02-2014, vin pola segunda
canle de TVE e en versión orixinal subtitulada a película “Animal Kingdom”
(2010), de David Michôd; con James Frecheville, Ben Mendelsohn, Guy Pearce,
Jackie Weaver e Joel Edgerton. A música é de Antony Partos.
Auténtico drama cunha agresividade
que se nota no ambiente, vibrante e cunha atmosfera seca que non sabes cómo vai
acabar cada escena. Resumindo: marabillosa!
O filme acadou varios premios en
diversos festivais e a Jacki Weaver
nomeárona ó Oscar como actriz secundaria. A verdade é que a súa presenza
déixache unha certa inquietude no corpo.
E onte, martes, 18-02-2014, despois
de acabar o partido Manchester City – Barcelona (0-2), vin pola Sexta, e tamén
en versión orixinal subtitulada, “O soldado de Deus” (2011), de Marc Forster;
con Gerard Butler, Michelle Monaghan, Kathy Baker, Michael Shannon, Madeline
Carroll e Souleymane Sy Savane. A música é de Thad Spencer.
Debido ó tema que trata (o rescate
de nenos orfos e de nenos-soldado nas zonas máis perigosas de Uganda e Sudán),
queda un sabor na boca un pouco triste, pero imaxinando o que podería ser esta
películas nas mans doutros cineastas. É dicir, moita tristura para unha regular
película.
No hay comentarios:
Publicar un comentario