O que eu digo sempre: que fan as
falcatruadas e, despois, ante as acusacións, escapan pola estrema e, a maiores,
intentan lavarse as mans coma Pilatos. O alcalde de Xinzo, tras non sei cantas
imputacións e algunhas condenas pola súa política de persoal, sae pola tanxente
coa seguinte declaración: “É lóxico que saia contratada xente do PP porque en
Xinzo ten moitos máis afiliados”. E porque son máis listos e máis riquiños e
máis agudos, non si? Home claro! Logo, coma Pilatos, lava as mans e ataca ó
ex-secretario. Xa sei que en moitos concellos é certo que case quen fai e
desfai é o secretario correspondente, mais ese case é o que os exime un chisco
de todo, pois quen ten sempre a última palabra, ou sexa, a última sinatura é o
alcalde. Pero claro, aquí xa todos intentamos facer como a infanta Cristina...
que alá o seu home e que ela nin idea de nada. É dicir, alá o ex-secretario e
alá a listura e a cantidade dos peperos
limiás. O caso é seguir; que as falcatruadas xa se sementarán nos regos
doutros.
Café Paco Paz de Ourense. Martes,
11 de febreiro de 2014
No hay comentarios:
Publicar un comentario